AsiaUrdu AsiaUrdu eNews

ایشیا اردو

سوسائٹی آف آبسٹیٹریشن اینڈ گائناکالوجسٹ ملتان چیپٹر اور شعبہ امراض نسواں کے زیر اہتمام سیزیرین سیکشن یا عمل جراحی کے ذریعے بچے کی پیدائش کے موضوع پر نشتر میڈیکل یونیورسٹی میں ایک روزہ ورکشاپ کا انعقاد کیا گیا جس کے مہمان خصوصی وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد تھے۔ ورکشاپ میں نشتر ہسپتال ملتان سمیت ملتان ڈویژن کے مختلف ہسپتالوں سے تعلق رکھنے والے ڈاکٹرز کی کثیر تعداد نے شرکت کی۔ پروفیسر ڈاکٹر مہناز خاکوانی سربراہ شعبہ امراض نسواں نے سیزیرین سیکشن کے ذریعے بچے کی پیدائش کے بڑھتے ہوے رجحان اور شرح میں اضافے پر آگاہی لیکچر دیا۔ بعد ازاں ایسوسی ایٹ پروفیسر ڈاکٹر نبیلہ عطا اللہ خان، ڈاکٹر عاطر فیاض، ڈاکٹر راشدہ عارف، ڈاکٹر عائشہ اوزیمہ ترین، ڈاکٹر رابعہ بھٹی، ڈاکٹر خدیجہ ستار نے سیزیرین سیکشن کے حوالے سے مختلف پہلوؤں پر روشنی ڈالی۔ وائس چانسلر نشتر میڈیکل یونیورسٹی نے ورکشاپ کے انعقاد پر سربراہ شعبہ امراض نسواں پروفیسر ڈاکٹر مہناز خاکوانی اور دیگر منتظمین کی کاوشوں کی تعریف کرتے ہوئے کہا کہ یہ ورکشاپ سیزیرین سیکشن کی شرح میں کمی لانے اور اس سے متعلقہ پیچیدگیوں سے بچنے میں یقیناً مددگار ثابت ہو گی۔