AsiaUrdu AsiaUrdu eNews

ایشیا اردو

 کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح ایک اعشاریہ سات چھ فیصد ریکارڈ کی گئی۔ کورونا وائرس سے 4 افراد جاں بحق ہوگئے، جس کے بعد اموات کی تعداد 30 ہزار 291 ہوگئی۔ پاکستان میں کورونا کے تصدیق شدہ کیسز کی تعداد 15 لاکھ 16 ہزار 789 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 639 نئے کیسز رپورٹ ہوئے، پنجاب میں 5 لاکھ 3 ہزار 279، سندھ میں 5 لاکھ 70 ہزار 934، خیبرپختونخوا میں 2 لاکھ 17 ہزار 690، بلوچستان میں 35 ہزار 403، گلگت بلتستان میں 11 ہزار 598، اسلام آباد میں ایک لاکھ 34 ہزار 736 جبکہ آزاد کشمیر میں 43 ہزار 149 کیسز رپورٹ ہوئے۔