AsiaUrdu AsiaUrdu eNews

لکی مروت: صوبہ خیبر پختونخواہ میں دہشت گردوں نے پولیس موبائل پر فائرنگ کی ہے، جس کے نتیجے میں چار اہلکار شہید ہوگئے ہیں۔
تفصیلات کے مطابق لکی مروت کے علاقے تنگ روڈپر نامعلوم موٹرسائیکل سواروں نے پولیس موبائل پر فائرنگ کی ، فائرنگ سے تھانہ لکی پولیس کے اے ایس آئی سمیت چار اہلکار شہید ہوگئے۔
پولیس ذرائع کے مطابق شہدا میں اے ایس آئی یعقوب، سپاہی مستقیم، سپاہی انعام اللہ اور ڈرائیور رحیم شامل ہے۔
پولیس ذرائع کا کہنا ہے کہ بزدلانہ حملے کے بعد نامعلوم دہشت گرد فرار ہونے میں کامیاب ہوگئے، آرپی او، ڈی پی او سمیت پولیس کی بھاری نفری جائےوقوعہ پر موجود ہے اور علاقے میں حملہ آوروں کی تلاش کیلئے سرچ آپریشن دوسری جانب لکی مروت پولیس کی موبائل پر حملےکا مقدمہ سی ٹی ڈی میں درج کیا گیا، حملے میں نامعلوم افراد کو نامزد کیا گیا، سرکاری مدعیت میں درج مقدمے میں قتل اور دیگر دفعات شامل کی گئیں ہیں۔
ادھر شہدا کی نماز جنازہ پولیس لائن میں ادا کی گئی جس کے بعد ان کے جسد خاکی آبائی علاقوں کو روانہ کردیئے گئے، نماز جنازہ میں ڈی پی او شہزادہ عمربن عباس باب، ڈپٹی کمشنر، عمائدین علاقہ سمیت افسران اوراہلکاروں نے شرکت کی۔جاری ہے۔