سپیشلائیزڈ ہیلتھ کئیر سے ٹیلیفونک رابطہ، پوسٹ گریجوایٹ ڈاکٹرز کی نشستوں سمیت ٹرینی ڈاکٹرز کو درپیش مسائل بارے تفصیلی گفتگو
ایشیا اردو
پوسٹ گریجوایٹ ڈاکٹرز کی نشستوں کے حوالے سے وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد کا احسن اقدام۔ سیکرٹری سپیشلائیزڈ ہیلتھ کئیر اینڈ میڈیکل ایجوکیشن ڈاکٹر احمد جاوید قاضی
اور ڈی ایس- ایم ای سپیشلائیزڈ ہیلتھ کئیر ڈاکٹر عائشہ سے ٹیلیفونک رابطہ۔ پوسٹ گریجوایٹ ڈاکٹرز کی نشستوں سمیت ٹرینی ڈاکٹرز کو درپیش مسائل بارے تفصیلی گفتگو کی اور اپنے تخفظات سے آگاہ کیا جس پر سیکرٹری سپیشلائیزڈ ہیلتھ کئیر اینڈ میڈیکل ایجوکیشن ڈاکٹر احمد جاوید قاضی اور ڈاکٹر عائشہ ڈی ایس- ایم ای سپیشلائیزڈ ہیلتھ کئیر نے وائس چانسلر نشتر میڈیکل یونیورسٹی پروفیسر ڈاکٹر رانا الطاف کو سپروایزرز اور ہسپتال میں بستروں کی تعداد کے مطابق مختلف شعبوں میں ایم ڈی اور ایم ایس ڈگری پروگرام کے لیے پوسٹ گریجوایٹ ڈاکٹرز کی نشستیں بڑھانے کی یقین دھانی کرائی۔ دوران گفتگو یہ بھی طے پایا کہ ایم ڈی اور ایم ایس پروگرامز کے لیے سپروایزرز اور ٹرینی ڈاکٹرز کے پورٹل کا آغاز کل سے کر دیا جائے گا تاکہ تمام ڈاکٹرز اس پورٹل کے ذریعے مطلوبہ ورکشاپ کا اندراج کروا سکیں۔ وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد نے دوران گفتگو مسائل کے فوری حل پر مذکورہ افسران سے اظہار تشکر بھی کیا۔
بعد ازاں وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد سے پاکستان میڈیکل ایسوسی ایشن اور ینگ ڈاکٹرز ایسوسی ایشن کے نمائندگان نے بھی ملاقات کی اور ان معاملات کے حوالے سے تفصیلی تبادلہ خیال کیا گیا۔ ڈاکٹر آرگنائزیشن کے نمائندگان نے وائس چانسلر نشتر میڈیکل یونیورسٹی پروفیسر ڈاکٹر رانا الطاف کے بھرپور تعاون پر ان کا شکریہ ادا کیا
Leave A Comment