AsiaUrdu AsiaUrdu eNews

مانٹرنگ ڈیسک 

سعودی فوڈ اینڈ ڈرگ اتھارٹی(ایس ایف ڈی اے) نے والدین کو متنبہ کیا ہے کہ پیراسٹامول دوا کے استعمال میں احتیاط برتی جائے۔
فوڈ اینڈ ڈرگ اتھارٹی کا کہنا ہے کہ پیراسٹامول جس اجزا سے تیار ہوتی ہے اسی مادے سے تیار کی گئی دوسری دوا ایک ساتھ استعمال کی جائے تو اس کے خطرناک اثرات ممکن ہیں۔
ایس ایف ڈی اے نے خبردار کیا کہ ’پیرا سٹامول‘ دوا کو اسی مادے سے تیار کسی اور دوا کے ساتھ استعمال کرنےسے زہر خورانی ہو جاتی ہے۔اتھارٹی نے کہا کہ مقامی شہری اور مقیم غیرملکی پیراسٹا مول دوا کو اسی مادے سے تیار ہونے والے کسی بھی دوا کے ساتھ استعمال نہ کریں، اکثر مائیں بچوں کو یہ دوائیں دیتی ہیں۔
کورونا ویکسین کے بعد پیراسٹامول لے سکتے ہیں؟
سعودی فوڈ اینڈ ڈرگ اتھارٹی کا کہنا تھا کہ والدین بچوں کو پیراسٹامول دوا دیتے ہوئے احتیاط کریں، دواؤں کا توازن بگڑنا زہر خورانی کا باعث بن جاتا ہے۔
خیال رہے کہ مملکت میں پیراسٹامول دوا ’ایسٹا مینوفین‘ کے نام سے بھی معروف ہے، اس دوا کا استعمال عموماً درد کے لیے کیا جاتا ہے بعض ڈاکٹر بخار کی صورت میں بھی پیراسٹامول کا مشورہ دیتے ہیں۔