AsiaUrdu AsiaUrdu eNews

ایشیا اردو

محکمہ پرائمری اینڈ سیکنڈری ہیلتھ کیئر عمران سکندر بلوچ کی زیر صدارت پراونشل کوالٹی کنٹرول بورڈ پنجاب (PQCB)کا236واں اجلاس منعقدہوا۔اجلاس کے دوران ادویات کے31کیسز پر کارروائی جبکہ 11کیسز ڈرگ کورٹس بھجوانے کا فیصلہ کیا گیا۔ 01کیس میں بورڈ کی طرف سے FIR درج کروانے کی اجازت جبکہ 05کیسز میں آخری وارننگ جاری کی گئی۔ 05کیسز میں پراڈکٹ سپیسیفکشن انسپکشن (PSI)کی سفارش کی گئی۔اجلاس میں شرکت کرنے والے دیگر ممبران میں ایڈیشنل سیکرٹری ڈرگز کنٹرول محمد سہیل،چیف ڈرگز کنٹرولرپنجاب اظہرجمال سلیمی، سیکرٹری PQCB شاہین اقبال،  پروفیسر ڈاکٹرمحموداحمد،پروفیسر ڈاکٹرمحمد جمشید، پروفیسر ڈاکٹر ساجد بشیر، ڈاکٹر ایم عمران اشرف اورڈاکٹر منیب اشرف شامل تھے۔سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ نے کیسز کی بروقت سماعت پر پی کیو سی بی کی کاوشوں کو سراہا۔
سیکرٹری محکمہ پرائمری اینڈ سیکنڈری ہیلتھ کیئر عمران سکندربلوچ نے اس موقع پر اظہارخیال کرتے ہوئے کہا کہ پنجاب بھر میں معیاری ادویات کی فراہمی کو یقینی بنانے میں پی کیو سی بی کا کلیدی کردار رہا ہے۔ تمام کیسز کی سماعت میرٹ پر کی جا رہی ہے۔کوشش کی جا رہی ہے کہ جلد از جلد کیسز کی سماعت کو یقینی بنایا جائے۔ کیسز میں درست رہنمائی کے لیے بورڈ کے لیے لیگل کنسلٹنٹ کی بھرتی کی بھی منظوری دی گئی ہے۔ انہوں نے کہا کہ معیاری ادویات پنجاب کی عوام کا بنیادی حق ہے اور اس کو یقینی بنانے میں ہم اپنا کردار ادا کر رہے ہیں۔