AsiaUrdu AsiaUrdu eNews

 19 ویں چولستان جیپ ریلی کے میگا ایونٹ کا کوالیفائنگ راؤنڈ آج ہو گا۔
کوالیفائنگ راؤنڈ میں 10 گاڑیاں اور 4 ٹرک شریک ہیں، نادر مگسی، صاحبزادہ سلطان اور زین محمود کے مابین زور کا جوڑ پڑے گا جبکہ فیصل شادی خیل، آصف فضل چودھری، جعفر مگسی اور آصف عمران بھی اپنی مہارت کے جوہر دکھائیں گے۔
خواتین ڈرائیورز بھی 19 ویں چولستان جیپ میں بازی مارنے کو تیار ہیں، لالین اخونزادہ، سلمہ مروت، دینا پاٹیل، ماہم شیراز اور عائشہ خان لودھی صحرائی ٹریک پر کامیابی کے لئے پرجوش ہیں۔
گزشتہ رات قلعہ دراوڑ پر ڈرائیورز کانفرنس کا انعقاد ہوا جس میں ریلی کے ٹریک پر ماہرانہ گفتگو اور کوالیفائنگ راؤنڈ کی قرعہ اندازی کی گئی، پرنس عثمان عباسی نے ڈرائیورز کی میزبانی کی۔
کوالیفائنگ راؤنڈ میں ڈرائیورز اپنی مہارت اور گاڑیوں کی مضبوطی کو آزمائیں گے جبکہ آج کا فاتح کل ریلی میں سب سے پہلے روانہ ہو گا۔