روس نے یوکرین پر حملہ کر دیا، عالمی مارکیٹ میں تیل کی قیمتوں میں اضافہ
مانٹرنگ ڈیسک
روس نے یوکرین پر حملہ کر دیا، دارالحکومت کیف سمیت دیگر شہروں میں دھماکوں کی آوازیں سنی گئیں۔ عالمی مارکیٹ میں تیل کی قیمتوں میں اضافہ ہو گیا۔
یوکرینی دارالحکومت کیف کے علاوہ ساحلی شہر وڈیسا اور کراماتورسک پر بھی فضائی حملے کئے گئے ہیں، حملوں کے نتیجے میں متعدد مقامات پر زور دار دھماکے سنے جا رہے ہیں۔ قبل ازیں روسی صدر پیوٹن نے یوکرین کے خلاف سپیشل آپریشن کا اعلان کیا تھا، انہوں نے عالمی طاقتوں کو متنبہ کرتے ہوئے کہا تھا کہ روس یوکرین آپریشن میں بیرونی مداخلت پرجواب دےگا۔
روسی سفیر برائے اقوام متحدہ نے سلامتی کونسل کو مشرقی یوکرین پر حملے سے آگاہ کر دیا، ان کا کہنا تھا کہ یو این چارٹر کے آرٹیکل 51 کے تحت روس کا آپریشن درست ہے۔
یوکرین کیخلاف روسی صدر کے فوجی آپریشن کےاعلان کے بعد تیل کی قیمتوں میں اضافہ ہو گیا، 7 سال بعدخام تیل کی قیمت 100 ڈالرفی بیرل سے تجاوز کر گئی۔
Leave A Comment