AsiaUrdu AsiaUrdu eNews

انسٹنٹ میسجنگ ایپلی کیشن واٹس ایپ اپنے بیٹا صارفین کیلئے اینیمیٹڈ اوتار کا فیچر متعارف کروانے جا رہی ہے جس کی آزمائش کی جا رہی ہے۔
واٹس ایپ بِیٹا انفو کے مطابق میٹا کی ذیلی ایپ اپنا یہ فیچر بِیٹا کے 12.23.16.12 اور اسے جدید ورژن میں متعارف کروائے گی، واٹس ایپ پر اوتار بنانے والے صارفین کو ایموجی اور سٹیکرز ٹیب کے برابر ایک اینیمیٹڈ اوتار کا ٹیب دستیاب ہوگا۔
واٹس ایپ نے ان اینیمیٹڈ اوتار کی مختلف جذبات کے اظہار پر درجہ بندی کی ہے، اوتار سے خوشی، مزاح، غصہ کے جذبات کا اظہار کیا جا سکے گا۔
مزید برآں واٹس ایپ کا یہ فیچر سنیپ چیٹ کے بِٹ موجی سے مشابہت رکھتا ہے، تاہم ایکسپرٹس کا ماننا ہے کہ یہ فیچر زیادہ بہتر انداز میں جذبات عکاسی کرتا ہے۔