AsiaUrdu AsiaUrdu eNews

مانٹرنگ ڈیسک

اے سی سی مینز انڈر19 ایشیا کپ کے افتتاحی میچ میں پاکستان نے تباہ کن باؤلنگ کی بدولت افغانستان کو 4 وکٹوں سے ہرادیا۔
آئی سی سی اکیڈمی دبئی میں کھیلے گئے میچ میں فاتح پاکستان ٹیم نے 53 رنز کا ہدف 16.4 اوورز میں 6 وکٹوں کے نقصان پر حاصل کرلیا۔معاذ صداقت 14 رنز بناکرناٹ آؤٹ رہے، وکٹ کیپر حسیب اللہ 11 رنز بناکر دوسرے ٹاپ اسکورر رہے، عبدالواحد بنگلزئی 9، محمد شہزاد اور قاسم اکرم صفر، صفرجب کہ عرفان نیازی 4 اور رضوان محمود 2 رنز بناکر آؤٹ ہوئے۔ افغانستان کے نور احمد نے 3 جبکہ بلال سمیع نے 2 کھلاڑیوں کو آؤٹ کیا۔
اس سے قبل افغانستان انڈر 19 ٹیم نے ٹاس جیت کر پہلے بیٹنگ کا فیصلہ کیا تو احمد خان، اویس علی اور ذیشان ضمیر کی تباہ کن فاسٹ باؤلنگ کی بدولت افغان ٹیم 23.1 اوورز میں 52 رنز پر ڈھیر ہوگئی۔
احمد خان نے6 اوورز میں 21 رنز کے عوض 3 کھلاڑیوں کوپویلین کی راہ دکھائی۔ اس دوران انہوں نے 2 میڈن اوورز بھی پھینکے۔اویس علی نے 9 جب کہ ذیشان ضمیر نے 12 رنز دے کر 2، 2 کھلاڑیوں کو آؤٹ کیا۔ ڈبل فگرز میں داخل ہونے والے افغانستان انڈر 19 کرکٹ ٹیم کے واحد بیٹسمین (بیٹر) نانگیالیا 15 رنز بناکر آؤٹ ہوئے۔