AsiaUrdu AsiaUrdu eNews

ایشیا اردو

شعبہ امراض نسواں نشتر میڈیکل یونیورسٹی میں غیر محفوظ اسقاط حمل کے موضوع پر ایک روزہ ورکشاپ کا انعقاد  وارڈ 16 میں ہوا جس میں نشتر میڈیکل یونیورسٹی کے سینئر فیکلٹی ممبران، کنسلٹنٹس سمیت پوسٹ گریجوایٹ سٹوڈنٹس کی کثیر تعداد نے شرکت کی۔ پروفیسر ڈاکٹر مہناز خاکوانی چیئر پرسن شعبہ امراض نسواں نشتر میڈیکل یونیورسٹی کی زیر سرپرستی منعقدہ اس ورکشاپ میں غیر محفوظ اسقاط حمل کے حوالے سے مختلف پہلوؤں پر آگاہی فراہم کی گئی۔ ڈاکٹر منزہ خالد ایڈمن رجسٹرار وارڈ 16 نے غیر محفوظ اسقاط حمل کے نتیجے میں پیدا ہونے والی پیچیدگیوں اور تدارک سمیت خاندانی منصوبہ بندی کے حوالے سے بھی شرکاء کو آگاہ کیا گیا۔  ورکشاپ کے دوران پروفیسر ڈاکٹر مہناز خاکوانی سے سوالات و جوابات کا سلسلہ بھی جاری رہا۔  بعد ازاں ورکشاپ کے شرکاء کو قانونی و محفوظ اسقاط حمل کے طریقوں پر عملی تربیت بھی دی گئی۔