AsiaUrdu

Azad Kashmir اور گلگت بلتستان میں ڈیجیٹل رابطوں کے نظام کو بہتر بنانے کے لیے اہم پیش رفت جاری ہے، جہاں جدید 4G سروسز کی توسیع پر تیزی سے کام ہو رہا ہے۔

Special Communications Organization کے تحت دور دراز اور پہاڑی علاقوں میں نئے ٹاورز کی تنصیب کا عمل جاری ہے۔ منصوبے کے تحت درجنوں نئے 4G ٹاورز لگائے جا رہے ہیں جبکہ متعدد مقامات پر موجود نیٹ ورک کو بھی اپ گریڈ کیا جا رہا ہے۔

حکام کے مطابق اس منصوبے سے نہ صرف ان علاقوں میں انٹرنیٹ اور موبائل سروسز بہتر ہوں گی بلکہ تعلیم، کاروبار اور روزگار کے نئے مواقع بھی پیدا ہوں گے۔

منصوبہ 2026 کے آخر تک مکمل کرنے کا ہدف رکھا گیا ہے، جس کے بعد ان دور افتادہ علاقوں کو ملک کے دیگر حصوں کے برابر ڈیجیٹل سہولیات میسر ہوں گی۔ حکام کا کہنا ہے کہ یہ اقدام “ڈیجیٹل پاکستان” وژن کی طرف ایک اہم قدم ہے۔