AsiaUrdu

سابق امریکی صدر جو بائیڈن کے پروسٹیٹ کینسر کے بارے میں ان کے بیٹے نے انکشاف کیا ہے کہ یہ بیماری ہڈیوں سے آگے تک پھیل چکی ہے اور انہیں شدید درد کا سامنا ہے۔

بیٹے کے مطابق یہ بیماری نہایت تکلیف دہ ہے اور اس کے باعث بائیڈن کی جسمانی صلاحیتیں بھی بری طرح متاثر ہو رہی ہیں۔ اس حوالے سے ترجمان نے مزید تبصرہ کرنے سے گریز کیا ہے۔

بائیڈن نے وائٹ ہاؤس چھوڑنے کے چند ماہ بعد بتایا تھا کہ انہیں پروسٹیٹ کینسر کی ایک جارحانہ قسم لاحق ہے۔

طبی ماہرین کے مطابق وہ اس وقت ریڈی ایشن تھراپی اور ہارمون تھراپی کے ذریعے علاج کروا رہے ہیں۔

یہ پیش رفت ان کی صحت کے حوالے سے تشویش میں اضافے کا باعث بن رہی ہے، جبکہ ان کے چاہنے والوں کی جانب سے صحت یابی کی دعائیں بھی کی جا رہی ہیں۔