AsiaUrdu

آئی ایم ایف کا وفد بجٹ مذاکرات کے لیے وزارت خزانہ پہنچ گیا ہے جہاں نئے وفاقی بجٹ کی تیاری پر باضابطہ بات چیت شروع ہو گئی ہے۔ تعارفی اجلاس کے بعد مختلف اہم ملاقاتیں شیڈول ہیں جن میں سٹیٹ بینک کے حکام بھی شامل ہوں گے۔

مذاکرات میں آئندہ مالی سال کے بجٹ اہداف، ٹیکس ریونیو میں اضافے، مالی اصلاحات، توانائی کے شعبے میں بہتری اور سرکاری اداروں کی نجکاری پر غور کیا جائے گا۔

ذرائع کے مطابق آئندہ مالی سال کا بجٹ اگلے ہفتے تک مکمل کرنے کی کوشش کی جا رہی ہے اور اسے موجودہ معاشی صورتحال کو مدنظر رکھتے ہوئے تیار کیا جائے گا۔ پارلیمنٹ سے بجٹ اہداف کی منظوری بھی ضروری ہوگی۔ آئی ایم ایف وفد 20 مئی تک پاکستان میں موجود رہے گا۔