AsiaUrdu

ایران کے صدر مسعود پزشکیان نے کہا ہے کہ سفارتکاری اور مذاکرات کے باعث امریکا ایران کے ساتھ مفاہمت پر مجبور ہوا ہے اور موجودہ صورتحال معاہدے کیلئے موزوں وقت ہے۔

تہران میں پریس کانفرنس کے دوران انہوں نے کہا کہ ایک مفاہمتی فریم ورک کے تحت امریکا کیلئے ضروری تھا کہ ایران اور عمان کی تیار کردہ گائیڈ لائنز پر عمل کرے، تاہم ایسا نہ ہونے پر ایران کو ردعمل دینا پڑا۔

صدر کے مطابق ایسے حالات میں ایک منظم ٹیم کی ضرورت ہوتی ہے جو معاہدوں کی خلاف ورزیوں سے نمٹ سکے، اور ایران وقار کے ساتھ اپنی پالیسی پر قائم رہے گا۔

انہوں نے امریکا اور اسرائیل کو تنقید کا نشانہ بناتے ہوئے کہا کہ صرف جنگ کے ذریعے ایرانی عوام کو دبایا نہیں جا سکتا، جبکہ داخلی اتحاد اور مزاحمت کو قومی سلامتی کیلئے ناگزیر قرار دیا۔

ایرانی صدر نے عوام پر زور دیا کہ وہ استقامت کا مظاہرہ کریں کیونکہ قومی اتحاد ہی ملک کی دفاعی صلاحیتوں کو مضبوط بناتا ہے۔