AsiaUrdu

اسرائیلی فوجی دستوں نے شام کے سرحدی علاقوں میں پیش قدمی شروع کر دی ہے جس کے بعد خطے میں کشیدگی بڑھنے کے خدشات پیدا ہو گئے ہیں۔ ایک ویڈیو میں اسرائیلی فوجی اہلکاروں کو شام کے دیہی علاقے میں گشت کرتے ہوئے دیکھا گیا ہے۔

یہ پیش رفت شام کے جنوبی صوبے قنیطرہ کے قریب سامنے آئی جہاں اسرائیلی فوج کے دستے دو مرکاوا ٹینکوں کے ساتھ علاقے میں موجود تھے۔ مقامی ذرائع کے مطابق فوجی اہلکار نواحی علاقوں میں گشت کر رہے تھے جس سے سکیورٹی صورتحال کے حوالے سے خدشات میں اضافہ ہوا ہے۔

تجزیہ کاروں کے مطابق یہ اقدام 1974ء کے معاہدے کی خلاف ورزی ہو سکتا ہے، جس کا مقصد شام اور اسرائیل کے درمیان جنگ بندی لائن پر کشیدگی کو کم رکھنا اور فوجی نقل و حرکت کو محدود کرنا تھا۔