AsiaUrdu

لیاقت پور میں کمسن بچیوں کو ہراساں کرنے والا ملزم گرفتاری کے دوران زخمی ہو گیا۔ پولیس کے مطابق ملزم کو پکڑنے کیلئے کارروائی کی گئی تو اس نے فرار ہونے کی کوشش کی۔

پولیس نے بتایا کہ گھیراؤ کے دوران ملزم نے پسٹل نکالنے کی کوشش کی، اسی دوران اچانک گولی چل گئی جس سے وہ خود زخمی ہو گیا۔ زخمی ملزم غلام محمد کو حراست میں لے کر فوری طور پر ہسپتال منتقل کر دیا گیا۔

حکام کا کہنا ہے کہ واقعے کا نوٹس لے کر ملزم کی گرفتاری کیلئے فوری اقدامات کیے گئے تھے۔ پولیس کے مطابق خواتین اور بچوں کے خلاف جرائم پر سخت کارروائی جاری رکھی جائے گی۔