AsiaUrdu

سینئر صوبائی وزیر پنجاب مریم اورنگزیب نے کہا ہے کہ کشمیر پاکستان کی شہ رگ ہے اور کوئی طاقت اسے پاکستان سے الگ نہیں کر سکتی۔

پنجاب کے شہر گوجرخان میں جلسے سے خطاب کرتے ہوئے انہوں نے کہا کہ ملک بھر میں ہونے والے ترقیاتی منصوبے نواز شریف کی عوامی خدمت کا ثبوت ہیں۔ ان کا کہنا تھا کہ عوام نے نواز شریف کو تین مرتبہ وزیراعظم منتخب کیا اور ملک کے ہر خطے میں ان کے منصوبوں کے اثرات نمایاں ہیں۔

انہوں نے مزید کہا کہ کشمیر اور پاکستان لازم و ملزوم ہیں اور کشمیر کے فیصلے وہیں کے عوام کی مرضی سے ہوں گے۔ ان کے مطابق شہباز شریف اور نواز شریف نے ہمیشہ کشمیر کا مقدمہ بھرپور انداز میں پیش کیا ہے۔

مریم اورنگزیب کا کہنا تھا کہ عوام ووٹ مانگنے والوں سے کارکردگی کا حساب لیں اور دیکھیں کہ کس نے حقیقی معنوں میں خدمت کی ہے۔ انہوں نے کہا کہ پنجاب حکومت صحت سمیت مختلف شعبوں میں عوام کو بہتر سہولیات فراہم کرنے کے لیے اقدامات کر رہی ہے اور ترقیاتی منصوبوں پر تیزی سے کام جاری ہے۔