AsiaUrdu

واشنگٹن: اطالوی فیشن ہاؤس پراڈا نے چاند پر جانے والے آئندہ خلائی مشنز کے لیے جدید اسپیس سوٹ کی رونمائی کر دی ہے جو ناسا کے قمری پروگرام میں استعمال کیا جائے گا۔

یہ اسپیس سوٹ ایک خلائی انفراسٹرکچر کمپنی کے اشتراک سے تیار کیا گیا ہے۔ اس میں جدید وینٹی لیشن سسٹم کپڑے کے اندر شامل کیا گیا ہے جبکہ ایک خاص کولنگ سسٹم باریک نالیوں کے ذریعے جسم کے درجہ حرارت کو متوازن رکھنے میں مدد دیتا ہے۔

کمپنی کے مطابق یہ ڈیزائن خلابازوں کو انتہائی سخت خلائی ماحول میں بھی بہتر آرام اور حفاظت فراہم کرے گا۔

پراڈا کے عہدیداروں نے کہا کہ یہ منصوبہ خلائی ٹیکنالوجی اور جدید فیشن ڈیزائن کے امتزاج کی ایک اہم مثال ہے اور مستقبل کے قمری مشنز میں ایک اہم کردار ادا کرے گا۔

خلائی کمپنی کے حکام نے کہا کہ مختلف شعبوں کے ماہرین کے تعاون سے تیار کیا گیا یہ اسپیس سوٹ انسانی خلائی سفر کو زیادہ محفوظ اور مؤثر بنانے میں مدد دے گا۔

ماہرین کے مطابق یہ جدید سوٹ آئندہ قمری مشنز کے دوران خلابازوں کی کارکردگی اور حفاظت میں اہم پیش رفت ثابت ہوگا۔