AsiaUrdu

نئے اسلامی سال کے آغاز کے موقع پر کعبہ  کا نیا غلاف کسوہ تبدیل کر دیا گیا۔

نیا غلاف انتہائی باریک بینی اور مہارت کے ساتھ 11 ماہ کے عرصے میں تیار کیا گیا ہے۔ یہ غلاف 47 ریشمی پینلز پر مشتمل ہے جن پر سونے اور چاندی کے دھاگوں سے قرآن مجید کی 68 آیات مبارکہ کی خوبصورت کڑھائی کی گئی ہے۔

تفصیلات کے مطابق نئے غلاف کا مجموعی وزن 1,415 کلوگرام ہے، جبکہ اس کی تیاری کے تمام مراحل مکہ مکرمہ میں قائم خصوصی کمپلیکس میں مکمل کیے گئے۔ ہر مرحلے پر معیار اور نفاست کو یقینی بنانے کے لیے سخت جانچ پڑتال کی جاتی ہے۔

ماہرین کے مطابق خانہ کعبہ کا غلاف اسلامی فن، دستکاری اور اعلیٰ معیار کی روایتی تیاری کا ایک منفرد شاہکار سمجھا جاتا ہے، جسے ہر سال خصوصی اہتمام کے ساتھ تبدیل کیا جاتا ہے۔