AsiaUrdu

اوگرا نے پیٹرولیم مصنوعات کی قیمتوں میں اضافے کی سمری حکومت کو پیش کر دی ہے، جس پر حتمی فیصلہ وزیراعظم پاکستان کریں گے۔

ذرائع کے مطابق حکومت پیٹرول اور ڈیزل پر لیوی کو 160 روپے فی لیٹر تک بڑھانے کا ہدف رکھتی ہے۔ اس حوالے سے وفاقی وزیر پیٹرولیم علی پرویز ملک نے بھی اس امکان کی تصدیق کی ہے۔

اس وقت پیٹرول پر 126 روپے فی لیٹر لیوی وصول کی جا رہی ہے، جبکہ اگر اسے 160 روپے فی لیٹر کر دیا گیا تو پیٹرول کی قیمت میں مزید 34 روپے فی لیٹر اضافہ ہو سکتا ہے۔

ماہرین کے مطابق اس ممکنہ اضافے سے عوام پر مہنگائی کا مزید بوجھ پڑے گا، جبکہ ٹرانسپورٹ اور دیگر اشیائے ضروریہ کی قیمتوں میں بھی اضافہ متوقع ہے۔