AsiaUrdu

کراچی کے جناح انٹرنیشنل ایئرپورٹ پر جعلی امیگریشن ایگزٹ اسٹیمپ کے ذریعے بیرون ملک جانے کی کوشش ناکام بنا دی گئی۔ حکام نے کارروائی کرتے ہوئے مسافر کو آف لوڈ کر کے تحویل میں لے لیا۔

حکام کے مطابق مسافر پاکستانی پاسپورٹ پر تھائی لینڈ کے ویزا کے ساتھ سفر کر رہا تھا۔ دورانِ چیکنگ امیگریشن حکام کو پاسپورٹ پر لگایا گیا ایگزٹ اسٹیمپ مشکوک محسوس ہوا جس پر مزید جانچ پڑتال کی گئی۔

ابتدائی تحقیقات میں انکشاف ہوا کہ مسافر نے ایک ایجنٹ کے ذریعے رقم کے عوض پاکستانی امیگریشن کا جعلی ایگزٹ اسٹیمپ لگوایا تھا تاکہ بیرون ملک سفر کیا جا سکے۔

ملزم کو مزید تفتیش اور قانونی کارروائی کے لیے ایف آئی اے کے اینٹی ہیومن ٹریفکنگ سرکل کراچی کے حوالے کر دیا گیا ہے جہاں اس سے مزید تحقیقات جاری ہیں۔