AsiaUrdu

وفاقی وزیر پٹرولیم علی پرویز ملک نے پٹرولیم مصنوعات کی قیمتوں میں کمی کا کریڈٹ عوام کو دیتے ہوئے کہا ہے کہ سب سے زیادہ بوجھ عوام نے برداشت کیا ہے۔

ایک پروگرام میں گفتگو کرتے ہوئے انہوں نے کہا کہ وزیر اعظم کی خصوصی ہدایت ہے کہ عالمی منڈی میں قیمتوں میں جتنی کمی ہو، اس کا مکمل فائدہ عوام تک منتقل کیا جائے۔

پٹرولیم لیوی کے حوالے سے وزیر پٹرولیم کا کہنا تھا کہ وزیر خزانہ نے عندیہ دیا ہے کہ آئندہ مالی سال میں بھی لیوی 80 روپے فی لیٹر برقرار رہنے کا امکان ہے۔

علی پرویز ملک نے مزید کہا کہ جنگ بندی کے بعد کوشش کی جا رہی ہے کہ ایران سے سستی ایل پی جی درآمد کر کے عوام کو ریلیف فراہم کیا جائے۔