AsiaUrdu

پی ٹی سی ایل نے صارفین کو آگاہ کیا ہے کہ 11 مئی سے 18 مئی تک انٹرنیٹ کی رفتار متاثر ہو سکتی ہے، خاص طور پر شام کے اوقات میں سروس سست رہنے کا امکان ہے۔

کمپنی کے مطابق ایک بین الاقوامی سب میرین کیبل میں خرابی کے باعث مرمتی کام جاری ہے، جس کی وجہ سے انٹرنیٹ کی رفتار کم ہونے یا کنیکٹیویٹی کے مسائل پیش آ سکتے ہیں۔

یہ مرمتی کام انٹرنیشنل کیبل کنسورشیم کے تحت کیا جا رہا ہے اور اس دوران صارفین کو بفرنگ اور سروس میں تعطل کا سامنا ہو سکتا ہے۔

ماہرین کا کہنا ہے کہ پاکستان میں انٹرنیٹ کا بڑا حصہ زیرِ سمندر فائبر کیبلز کے ذریعے چلتا ہے، اس لیے اس قسم کی خرابی کے اثرات ملک بھر میں محسوس کیے جاتے ہیں۔