AsiaUrdu

سعودی عرب نے ایران سے متعلق کشیدہ صورتحال پر پاکستان کی ثالثی کی کوششوں کی حمایت کا اعلان کیا ہے۔ سعودی وزارت خارجہ نے خطے میں بڑھتی ہوئی کشیدگی پر تشویش ظاہر کرتے ہوئے تمام فریقین سے تحمل اور برداشت کا مظاہرہ کرنے کی اپیل کی ہے۔

بیان میں کہا گیا ہے کہ پاکستان کی سفارتی کوششیں خطے میں امن قائم کرنے کے لیے اہم ہیں اور ایک سیاسی حل تلاش کرنا ضروری ہے تاکہ مزید تنازعات اور عدم استحکام سے بچا جا سکے۔

سعودی عرب نے اس بات پر بھی زور دیا کہ آبنائے ہرمز کو فوری طور پر کھولا جائے تاکہ بین الاقوامی بحری آمدورفت بحال ہو سکے۔ ان کا کہنا تھا کہ جہازوں کی محفوظ اور بلا رکاوٹ نقل و حرکت عالمی معیشت کے لیے نہایت اہم ہے۔

سعودی حکام کے مطابق موجودہ صورتحال کو پہلے جیسی حالت میں لانا ضروری ہے تاکہ خطے میں استحکام برقرار رکھا جا سکے اور عالمی تجارت متاثر نہ ہو۔