AsiaUrdu

واشنگٹن میں امریکا، لبنان اور اسرائیل کے درمیان فریم ورک معاہدے پر دستخط کی تقریب منعقد ہوئی، جس میں تینوں ممالک نے باضابطہ طور پر معاہدے پر دستخط کیے۔

اس موقع پر امریکی وزیر خارجہ مارکو روبیو نے کہا کہ لبنان اور اسرائیل کے درمیان اس معاہدے سے خطے میں امن کے قیام کے لیے مثبت پیش رفت کی امید ہے۔

انہوں نے کہا کہ امریکا کی خواہش ہے کہ لبنان اور اسرائیل کے عوام ایک محفوظ اور پُرامن مستقبل میں زندگی گزار سکیں، اور یہی اس معاہدے کا بنیادی مقصد ہے۔

تقریب کے دوران معاہدے پر دستخط کیے گئے، تاہم اس کی مکمل تفصیلات فوری طور پر جاری نہیں کی گئیں۔ ماہرین کے مطابق یہ معاہدہ خطے کی صورتحال پر اہم اثر ڈال سکتا ہے۔