AsiaUrdu

واٹس ایپ نے صارفین کے لیے ایک اہم اپ ڈیٹ متعارف کرانے کی تیاری شروع کر دی ہے جس کا مقصد چیٹس کو مزید بہتر انداز میں منظم کرنا ہے۔

رپورٹس کے مطابق اس نئے فیچر کے ذریعے صارفین آرکائیو اور لاک چیٹس کے لیے الگ چیٹ لسٹس تیار کر سکیں گے، جس سے کمیونیکیشن کا عمل زیادہ آسان اور منظم ہو جائے گا۔

یہ فیچر فی الحال اینڈرائیڈ ڈیوائسز کے بیٹا ورژن میں دیکھا گیا ہے۔ واٹس ایپ کا موجودہ “کسٹم لسٹ” فیچر پہلے ہی صارفین کو مختلف چیٹ فلٹرز بنانے کی سہولت دیتا ہے، جس میں وہ اپنے پسندیدہ افراد یا گروپس کو شامل کر سکتے ہیں۔

اب اس سسٹم کو مزید بہتر کرتے ہوئے آرکائیو اور لاکڈ چیٹس کے لیے پری سیٹ فلٹرز شامل کیے جا رہے ہیں۔ اس سے پہلے ان ریڈ، گروپس اور فیورٹس جیسے فلٹرز دستیاب ہیں۔

لاکڈ چیٹس تک رسائی پاس کوڈ، فیس آئی ڈی یا دیگر سکیورٹی آپشنز کے ذریعے حاصل کی جاتی ہے، تاہم نئے پری سیٹ فلٹر میں سکیورٹی کی نوعیت کے بارے میں ابھی مکمل تفصیلات سامنے نہیں آئیں۔