یو اے ای کا 6 سال بعد ایران میں سفیر بھیجنے کا اعلان
مانٹرنگ ڈیسک
غیر ملکی میڈیا رپورٹس کےمطابق متحدہ عرب امارات کی جانب سے جاری بیان میں کہا گیا ہےکہ ایران میں یو اے ای کے سفیر سیف محمد الزابی کو جلد آنے والے دنوں میں واپس تہران بھیجا جائے گا۔
میڈیا رپورٹس کے مطابق ایران میں متحدہ عرب امارات کے سفیر کی واپسی 6 سال بعد ہورہی ہے جو یو اے ای کی جانب سے ایران سے بہتر تعلقات کی کوششوں کا نتیجہ ہے۔
یو اے ای کی وزارت خارجہ نے اتوار کے روز جاری بیان میں کہا کہ امارات کی ایران کے ساتھ مضبوط تعلقات کی کوششوں کا مقصد خطے میں دونوں ممالک کے مشترکہ مفادات کا حصول ہے۔
میڈیا رپورٹس کے مطابق گزشتہ ہفتے اماراتی اورایرانی وزرائے خارجہ کے درمیان ٹیلی فونک رابطہ ہوا تھا جس میں دونوں ممالک کے تعلقات کو پروان چڑھانے پر بات ہوئی۔
میڈیا رپورٹس کے مطابق دونوں ممالک کے درمیان 2016 میں تعلقات کشیدہ ہوگئے تھے۔
Leave A Comment