AsiaUrdu AsiaUrdu eNews

ڈپٹی کمشنر ملتان عامر کریم خان نے کہا ہے کہ وزیر اعلی پنجاب سردار عثمان بزدار کے وژن کے مطابق ضلع میں بیوٹیفکیشن پلان پر تیزی سے عمل جاری ہے اس سلسلے میں شہر کے مختلف چوکوں کو اپ گریڈ کرنے اور یادگاریں تعمیر کرنے کا سلسلہ شروع کردیا گیا ہے وہاڑی روڈ پر واقع بابر چوک کا دورہ کرتے ہوئے کیا۔اس موقع پر ایڈیشنل ڈپٹی کمشنر ریونیو طیب خان اور پی ایچ اے حکام بھی موجود تھے۔ڈپٹی کمشنر نے بابر چوک پر یادگار تعمیر کرنے کے منصوبے پر بریفنگ بھی لی
ڈپٹی کمشنر عامر کریم خان نے کہا کہ شہر اولیاءکی تہذیب کو اجاگر کرنے اور خوبصورتی میں اضافہ کے لیے لینڈ سکیپنگ اور گرین بیلٹس کو دیدہ زیب بنایا جارہا ہے۔عامر کریم خان نے کہا کہ پہلے مرحلے میں مرکزی چوکوں پر قومی ہیروز کی تصاویر اور مذہبی یادگاریں تعمیر کی جارہی ہیں تاکہ شہریوں کو خوشگوار تبدیلی کا احساس دلایا جا سکے۔