AsiaUrdu AsiaUrdu eNews

 راجہ پرویز اقبال

محسنِ اردو اور عالمی شہرت یافتہ کتاب رواں دواں کے مصنف پیر عبدالخالق حسنات نے الحاج خالد حسنین خالد کو خراج عقیدت پیش کرتے ہوئے کہا نعت خوانی کی دنیا کا وہ آفتاب غروب ہو گیا جس کی ضیاء پاشیوں نے ہزاروں تاریک دلوں کو منورکیا تھا اور وہ چراغ گُل ہوگیا ہے جس نے اس دھرتی کے گوشے گوشے میں راہِ عشق کی نشاندہی کی تھی۔ محسنِ اردو پیر عبدالخالق حسنات نے مزید کہا کہ یوں تو اس دنیا میں بڑے بڑے شہرت والے حکومت والے اقتدار والے آئے مگر ضروری نہیں کہ زمین ان کے وجود سے خوش ہو بعض لوگ زمین پر پاؤں رکھتے ہیں تو زمین پناہ مانگتی ہے کہ ایسے برے آدمی کے پاؤں پھر نہ مجھ پر پڑیں اور کچھ لوگ ایسے ہیں کہ جب زمین پر قدم رکھتے ہیں تو زمین اُن کے قدموں کو چومتی ہے اور خواہش کرتی ہے کہ یہ اللہ کا نیک بندہ پھر بھی کبھی گزرے الحاج خالد حسنین خالد اُس ہستی کا نام ہے جن کے ہر ہر لفظ سے اخلاص ٹپکتا تھا-