AsiaUrdu AsiaUrdu eNews

کاٹلنگ میں پولیس کے انٹیلی جنس بیسڈ آپریشن کے دوران دہشتگردوں کی فائرنگ سے ایس پی اعجاز خان شہید جبکہ ڈی ایس پی سمیت تین اہلکار زخمی ہوگئے۔
تفصیلات کے مطابق کاٹلنگ کے علاقے زڑہ متہ میں مبینہ دہشتگردوں نے پولیس پر فائرنگ کی جس کے نتیجے میں ایس پی اعجاز خان شہید  جبکہ ڈی ایس پی سمیت 3 اہلکار شدید زخمی ہوئے ہیں ۔
واقعے کی اطلاع ملنے پر ریسکیو اور پولیس موقع پر پہنچ گئیں ، ترجمان ریسکیو کے مطابق زخمیوں میں ڈی ایس پی نسیم خان، منصور اور سلیم شامل ہیں۔
 پولیس کے مطابق جوابی فائرنگ میں دودہشت گرد بھی مارے گئے ، ہلاک ہونے والوں میں انتہائی مطلوب دہشت گرد محسن قادر بھی شامل ہے۔
دوسری جانب شہید ایس پی اعجاز خان کی نماز جنازہ پولیس لائنز میں ادا کردی گئی جس میں ڈی پی او مردان اور دیگر پولیس حکام نے شرکت کی۔