پنجاب میں اومی کرون آ گیا لاہور، اومی کرون کےمریضوں کی تصدیق ہو گئی
ایشیا اردو
صوبائی دارالحکومت میں کورونا وائرس کے نئے ویرینٹ اومی کرون کے 12مریضوں کی تصدیق ہو گئی ہے۔
ذرائع محکمہ صحت کے مطابق لاہور سے اومی کرون کے 12مریض سامنے آئے ہیں،7مریضوں کا تعلق جوہر ٹاؤن اور 5کا تعلق ڈیفنس سے ہے،23دسمبر کو مریضوں کے نمونے لئےگئے تھے۔
دوسری جانب ملک بھر میں کورونا وائرس کی ویکسین لگوانے والوں کی تعداد میں تیزی سے اضافہ ہونے لگا، اب تک 15 کروڑ سے زائد شہری ویکسین لگوا چکے ہیں۔
متعدد ممالک میں کورونا وائرس کی نئی قسم اومی کرون کے کیسز سامنے آنے کے بعد این سی او سی کے سربراہ اسد عمر نے کہا تھا کہ اس کے پھیلاؤ کو روکنے کے لیے ویکسینیشن اومی کرون کے خلاف واحد موثر طریقہ ہے۔
حکومت نے ملک میں کورونا وائرس سے بچاؤ کی ویکسین کے بوسٹر شاٹس لگوانے کے لیے سینٹرز بھی قائم کیے ہیں۔ یہ ویکسینینش سینٹرز بڑے شہروں میں قائم کیے گئے ہیں جہاں سے لوگ ویکسین کی اضافی خوراک لگوا سکیں گے۔
Leave A Comment