AsiaUrdu

ماہرین صحت کی نئی تحقیق میں 13 اقسام کے کینسر اور موٹاپے کے درمیان واضح تعلق سامنے آیا ہے، جس کے مطابق وزن کی تاریخ بھی بیماری کے خطرات میں اہم کردار ادا کرتی ہے۔

تحقیق کے مطابق کینسر کے علاج کے آغاز پر زیادہ تر مریضوں کی زندگی میں کبھی نہ کبھی موٹاپے کی تاریخ موجود رہی ہے، جو پہلے کے اندازوں سے کہیں زیادہ خطرناک ثابت ہوئی ہے۔

ماہرین کا کہنا ہے کہ صرف موجودہ وزن یا ایک بار بی ایم آئی چیک کرنے سے مریض کی مکمل صحت کی صورتحال کا درست اندازہ نہیں لگایا جا سکتا، کیونکہ ماضی کا موٹاپا بھی بیماری کی شدت اور علاج کے نتائج پر اثر انداز ہو سکتا ہے۔

تحقیق میں یہ بھی بتایا گیا ہے کہ جب مریضوں کی پوری زندگی کے وزن کو شامل کیا گیا تو 13 مختلف اقسام کے کینسر میں نصف سے زیادہ مریض موٹاپے کی تاریخ رکھتے تھے۔

ماہرین نے زور دیا ہے کہ طبی فیصلوں میں مریض کی موجودہ حالت کے ساتھ ساتھ اس کی ماضی کی صحت اور وزن کی صورتحال کو بھی شامل کرنا ضروری ہے تاکہ بہتر علاج ممکن بنایا جا سکے۔