AsiaUrdu

وفاقی حکومت نے عیدالاضحیٰ کے موقع پر ملک بھر میں تین روزہ سرکاری تعطیلات کا اعلان کر دیا ہے۔

کابینہ ڈویژن کی جانب سے جاری نوٹیفکیشن کے مطابق تعطیلات 26 مئی سے 28 مئی تک ہوں گی، اس دوران تمام سرکاری دفاتر اور ادارے بند رہیں گے۔

اعلامیے کے مطابق وزیراعظم کی منظوری کے بعد یہ فیصلہ کیا گیا ہے تاکہ عوام عیدالاضحیٰ مذہبی جوش و جذبے سے منا سکیں۔

حکومت نے متعلقہ اداروں کو ہدایت دی ہے کہ تعطیلات کے دوران ضروری خدمات اور انتظامات کو یقینی بنایا جائے تاکہ عوام کو کسی قسم کی پریشانی کا سامنا نہ کرنا پڑے۔