AsiaUrdu

گورنر خیبر پختونخوا فیصل کریم کنڈی نے صوبے میں پی ٹی آئی حکومت کی 14 سالہ کارکردگی کو مایوس کن قرار دیتے ہوئے کہا ہے کہ خیبر پختونخوا میں امن و امان کی صورتحال انتہائی تشویشناک ہے۔

پیپلز پارٹی کے کنونشن سے خطاب کرتے ہوئے انہوں نے کہا کہ صوبائی بجٹ پر نہ تو مشاورت کی گئی اور نہ ہی متعلقہ حلقوں سے رابطہ کیا گیا۔ ان کا کہنا تھا کہ صوبے کے حکمران اگر بجٹ میں عوام کو ریلیف فراہم کریں تو یہ خوش آئند ہوگا۔

فیصل کریم کنڈی نے مزید کہا کہ پیپلز پارٹی آئندہ آزاد کشمیر انتخابات میں بھی بھاری اکثریت سے کامیابی حاصل کرے گی۔ انہوں نے زور دیا کہ عوام کی فلاح و بہبود اور امن کے قیام کیلئے مؤثر اقدامات کی ضرورت ہے۔