AsiaUrdu

خیبرپختونخوا میں پولیو کے 2 نئے کیسز سامنے آئے ہیں، جس کے بعد ملک میں رواں سال کیسز کی مجموعی تعداد 3 ہو گئی ہے۔

نیشنل ایمرجنسی آپریشن سینٹر کے مطابق یہ کیسز بنوں اور شمالی وزیرستان سے رپورٹ ہوئے ہیں۔ حکام کا کہنا ہے کہ پولیو کے خاتمے کے لیے ٹارگٹڈ اقدامات اور مؤثر حکمت عملی پر کام جاری ہے۔

طبی ماہرین کے مطابق پولیو ایک لاعلاج بیماری ہے، تاہم بروقت ویکسینیشن کے ذریعے اس سے بچاؤ ممکن ہے۔ اس لیے والدین سے اپیل کی گئی ہے کہ ہر انسداد پولیو مہم کے دوران اپنے بچوں کو حفاظتی قطرے ضرور پلائیں۔

حکام نے زور دیا ہے کہ پولیو کے مکمل خاتمے کے لیے عوامی تعاون انتہائی ضروری ہے۔