AsiaUrdu

محکمہ زراعت نے کاشتکاروں کو ہدایت دی ہے کہ وہ پیٹھا کدو کی پچھیتی کاشت 20 جولائی تک مکمل کر لیں تاکہ بہتر پیداوار حاصل کی جا سکے۔ ماہرین کے مطابق بروقت کاشت کی صورت میں فصل اکتوبر میں تیار ہو جاتی ہے، جبکہ تاخیر سے پیداوار متاثر ہو سکتی ہے۔

زرعی ماہرین کا کہنا ہے کہ اس فصل کے لیے پانی کے اچھے نکاس والی زرخیز میرا زمین کا انتخاب ضروری ہے۔ کاشت سے پہلے کھیت کو 2 سے 3 مرتبہ ہل چلا کر نرم کیا جائے اور سہاگہ دے کر زمین کو ہموار بنایا جائے۔

مزید بتایا گیا ہے کہ پٹڑیاں بنانے کے لیے ایک چوتھائی میٹر پر نشان لگائیں اور دونوں اطراف 30 سینٹی میٹر کے فاصلے پر سپر فاسفیٹ اور امونیم نائٹریٹ ڈالیں۔ بیج کو ایک میٹر کے فاصلے پر دونوں کناروں پر بویا جائے تاکہ پودوں کی بہتر نشوونما ہو سکے۔

کاشتکاروں کو مشورہ دیا گیا ہے کہ وہ مزید رہنمائی کے لیے زرعی ماہرین سے رابطہ کریں اور دی گئی ہدایات پر عمل کریں تاکہ اچھی اور معیاری پیداوار حاصل کی جا سکے۔