AsiaUrdu

پاکستان کے نائب وزیراعظم و وزیر خارجہ اسحاق ڈار نے اقوام متحدہ کی سلامتی کونسل سے مطالبہ کیا ہے کہ وہ بھارت کی جانب سے Indus Waters Treaty کی مبینہ خلاف ورزیوں کا نوٹس لے۔ پاکستان کے مستقل مندوب نے ان کا خط سلامتی کونسل کی صدر کو پیش کیا جس میں کہا گیا ہے کہ بھارت کے اقدامات دریاؤں کے بہاؤ کو متاثر کر کے خطے میں کشیدگی بڑھا رہے ہیں۔

خط میں کہا گیا ہے کہ بھارت چناب کے نظام پر کچھ ایسے منصوبے بنا رہا ہے جن سے پانی کا رخ موڑنے کی کوشش کی جا رہی ہے، جو معاہدے کی روح کے خلاف ہے۔ پاکستان نے خبردار کیا ہے کہ یہ صورتحال نہ صرف آبی تحفظ بلکہ علاقائی امن کے لیے بھی خطرہ بن سکتی ہے۔

پاکستان نے یہ بھی مؤقف اختیار کیا ہے کہ بھارت کی جانب سے مغربی دریاؤں کے استعمال اور کنٹرول میں تبدیلی کے اقدامات بین الاقوامی قوانین کی خلاف ورزی ہیں۔ اسحاق ڈار نے اس سے قبل بھی سلامتی کونسل کو اس معاملے پر خط لکھا تھا اور صورتحال کی سنگینی سے آگاہ کیا تھا۔

پاکستان نے سلامتی کونسل سے اپیل کی ہے کہ وہ اس معاملے کا فوری نوٹس لے اور بھارت کو اس کے اقدامات پر جوابدہ بنایا جائے۔