AsiaUrdu

وزیراعلیٰ بلوچستان میر سرفراز بگٹی نے کہا ہے کہ پاکستان اور بلوچستان ایک دوسرے کے لیے لازم و ملزوم ہیں اور ریاست مخالف سازشوں کو ہر صورت ناکام بنایا جائے گا۔ انہوں نے طلبا سے خطاب کرتے ہوئے کہا کہ دہشت گردی اور تشدد کو کسی صورت برداشت نہیں کیا جا سکتا۔

انہوں نے بتایا کہ حالیہ حملوں میں اہم منصوبوں اور سیکیورٹی فورسز کو نشانہ بنایا گیا، جبکہ اس واقعے کی تحقیقات کے لیے جوڈیشل کمیشن قائم کر دیا گیا ہے تاکہ حقائق سامنے لائے جا سکیں۔

سرفراز بگٹی نے کہا کہ دہشت گرد عناصر بیرونی حمایت سے کام کر رہے ہیں، تاہم پاکستانی قوم اور سیکیورٹی ادارے متحد ہو کر ان سازشوں کا مقابلہ کر رہے ہیں۔

انہوں نے مزید کہا کہ پاکستان ایک مضبوط ریاست ہے اور بلوچستان اس کا اہم حصہ ہے، ملک کا مستقبل روشن ہے اور عوام کو امن و استحکام فراہم کیا جائے گا۔