AsiaUrdu

اقوام متحدہ کی سلامتی کونسل نے پاکستان کی جانب سے تیار کردہ سالانہ رپورٹ کو متفقہ طور پر منظور کر لیا ہے۔ اس پیش رفت کو پاکستان کی سفارتی کامیابی قرار دیا جا رہا ہے۔

پاکستان کے مستقل مندوب عاصم افتخار کے مطابق یہ رپورٹ علاقائی بحرانوں اور اہم عالمی امور پر سلامتی کونسل کی کارروائیوں کو نمایاں کرتی ہے۔ انہوں نے کہا کہ سالانہ رپورٹ شفافیت اور جوابدہی کے فروغ میں اہم کردار ادا کرتی ہے۔

رپورٹ میں دنیا بھر کے تنازعات، امن و سلامتی کی صورتحال اور انسانی بحرانوں کی نشاندہی کی گئی ہے۔ اس کے علاوہ امن مشنز، تنازعات کے حل اور عالمی تعاون کو مزید مضبوط بنانے پر بھی زور دیا گیا ہے۔

عاصم افتخار نے کہا کہ اس رپورٹ کا مقصد عالمی سطح پر امن کے قیام اور مسائل کے حل کے لیے مشترکہ کوششوں کو فروغ دینا ہے۔