AsiaUrdu

قومی کرکٹر عبداللہ فضل نے کمر کی انجری سے صحت یابی کے لیے نیشنل کرکٹ اکیڈمی میں ری ہیب شروع کردیا ہے۔

ذرائع کے مطابق عبداللہ فضل نے دو روز قبل نیشنل کرکٹ اکیڈمی میں رپورٹ کی، جہاں وہ پی سی بی کے میڈیکل اسٹاف اور اکیڈمی کے کوچز کی نگرانی میں بحالی کا عمل جاری رکھے ہوئے ہیں۔

ری ہیب کے دوران عبداللہ فضل ہلکی پھلکی بیٹنگ کی مشق کر رہے ہیں، جبکہ پیڈل اسپورٹس میں بھی حصہ لے رہے ہیں۔

عبداللہ فضل ویسٹ انڈیز کے خلاف سیریز سے قبل کمر کی تکلیف کا شکار ہوگئے تھے، جس کے باعث وہ ویسٹ انڈیز اور انگلینڈ کے خلاف سیریز میں قومی ٹیم کا حصہ نہیں بن سکے۔

اب ان کی توجہ مکمل فٹنس حاصل کرنے اور دوبارہ مسابقتی کرکٹ میں واپسی پر مرکوز ہے۔