AsiaUrdu

بہاولنگر کے علاقے قاضی والا روڈ پر ٹرک اور موٹر سائیکل کے درمیان تصادم کے نتیجے میں دو نوجوان جاں بحق جبکہ دو افراد زخمی ہو گئے۔

ریسکیو ذرائع کے مطابق حادثہ اس وقت پیش آیا جب مخالف سمت سے آنے والے تیز رفتار ٹریلر نے موٹر سائیکل کو ٹکر مار دی، جس کے باعث دونوں نوجوان موقع پر ہی دم توڑ گئے۔

پولیس کے مطابق جاں بحق ہونے والوں کی شناخت 20 سالہ حسنین اور 19 سالہ عبداللہ کے نام سے ہوئی ہے۔ زخمیوں کو فوری طور پر قریبی ہسپتال منتقل کر دیا گیا ہے۔

حکام کا کہنا ہے کہ حادثے کے بعد ٹریلر ڈرائیور موقع سے فرار ہو گیا، جبکہ پولیس نے گاڑی کو تحویل میں لے کر مقدمہ درج کر لیا ہے اور ملزم کی تلاش جاری ہے۔