AsiaUrdu

ایران کے نئے فوجی ڈاکٹرائن کے تحت پاسداران انقلاب کو اپنی عسکری صلاحیتیں اس حد تک بڑھانے کی ہدایت کی گئی ہے کہ ضرورت پڑنے پر ملکی سرحدوں سے باہر دشمن کی سرزمین تک کارروائی کی جا سکے۔

ایرانی پاسداران انقلاب کے سینئر مشیر بریگیڈیئر جنرل رضا نقدی نے کہا ہے کہ پاسداران انقلاب کو اپنی صلاحیتوں میں اس قدر اضافہ کرنا ہوگا کہ جارحانہ کارروائیاں دشمن کے علاقے تک انجام دینے کی پوزیشن میں ہوں۔

انہوں نے دعویٰ کیا کہ امریکا کا جنگی بجٹ ایران کے دفاعی بجٹ سے 100 گنا زیادہ ہے، تاہم ان کے مطابق دشمن کے تمام 14 مقاصد ناکام بنائے گئے ہیں۔

رضا نقدی نے کسی ملک کا نام لیے بغیر کہا کہ ایران کو ایسی صلاحیت حاصل کرنی چاہیے جس کے ذریعے ضرورت پڑنے پر جنگ کو دشمن کے علاقے تک لے جایا جا سکے۔ انہوں نے کہا کہ نئے جارحانہ فوجی ڈاکٹرائن کی یہ خصوصیت مؤثر طور پر موجود ہونی چاہیے۔

ایرانی پاسداران انقلاب کو ہدایت کی گئی ہے کہ وہ مطلوبہ عسکری صلاحیت حاصل کریں تاکہ ضرورت کے وقت اسے عملی طور پر استعمال کیا جا سکے۔