AsiaUrdu

وزیر دفاع خواجہ آصف نے آزاد کشمیر میں جاری احتجاج پر ردعمل دیتے ہوئے کہا ہے کہ اس کے پیچھے موجود عناصر کے خلاف کارروائیاں جاری ہیں۔

انہوں نے آزاد کشمیر کے عوام کا شکریہ ادا کرتے ہوئے الزام عائد کیا کہ احتجاج کے پیچھے بھارتی حمایت یافتہ لوگ شامل ہیں جو ملک کے اندر موجود ہیں۔

خواجہ آصف کا کہنا تھا کہ احتجاج کے دوران استعمال ہونے والی زبان کسی محب وطن پاکستانی کی نہیں ہو سکتی، چاہے اس کا تعلق کسی بھی علاقے سے ہو۔

انہوں نے مزید کہا کہ ان کے خلاف کی جانے والی باتوں کی انہیں کوئی پروا نہیں، حکومت صورتحال کو قابو میں رکھنے کے لیے اقدامات کر رہی ہے۔