AsiaUrdu

نظامت زرعی اطلاعات پنجاب نے کاشتکاروں کو خربوزے کی فصل پر پھل کی مکھی کے حملے سے بچاؤ کے لیے فوری سپرے کرنے کی ہدایت جاری کی ہے۔

آصف علی نے کہا ہے کہ گرمی کی شدت بڑھنے کے ساتھ خربوزے کی فصل پر پھل کی مکھی کا خطرہ بھی بڑھ جاتا ہے، اس لیے کسان اپنی فصلوں کی مسلسل نگرانی کریں۔

انہوں نے بتایا کہ اگر حملے کی علامات ظاہر ہوں تو زرعی ماہرین کے مشورے سے مناسب ادویات کا سپرے کیا جائے اور غیر ضروری یا غلط کیمیکل کے استعمال سے گریز کیا جائے۔

ہدایت کے مطابق سپرے کے بعد کم از کم 10 دن تک پھل کو نہ توڑا جائے تاکہ اس کے اثرات مکمل طور پر ختم ہو سکیں اور پھل محفوظ رہے۔

ماہرین نے کسانوں کو مشورہ دیا ہے کہ وہ محکمہ زراعت کے توسیعی عملے سے رابطہ رکھیں تاکہ فصل کو نقصان سے بچایا جا سکے اور بہتر پیداوار حاصل ہو۔